The Undertones 1976an sortu zen Derryn (Irlanda), oinarrizko rock-and-rolla jotzen ikasi zuten bost lagunen (John O ‘Neill, Damian O’ Neill, Feargal Sharkey, Billy Doherty eta Michael Bradley) elkartzearen ondorioz.

Hamarkada hartako estandarrentzat ere, Derry ez zen inongo tokitako rock-and-rollaren hiriburua. Ikustea merezi zuen zuzeneko bandarik ez zegoenez, postaz erosten zituzten diskoak entzuten ikasi zuten, Derryra iristen ziren NMEren kopia bakanetako bat irakurtzen, baina, batez ere, John Peelek BBC Radio One-n egiten zuen saio zoragarria entzuten. Logeletan praktikatuz, azkenean taldeak “Teenage Kicks” grabatu zuen 1978an Belfasteko Terri Hooleyren Good Vibrations zigiluan. John Peel DJ famatuak kopia bat jaso zuen eta hainbeste gustatu zitzaion, bere irratsaioan bi aldiz jarraian jarri zuela.