ANNEKDOTAS:
Anne Rodriguez pandemia aurretik hasi zen Annekdotas bakarkako proiektuarekin. Hiriko musika ekoizten du, rap musika oinarri hartuta, baina reggaeton, dembow edo trap eraginak ere nabarmentzen dira. Horrela (pixkanaka baino azkarrago), Annek bere lekua eta bere jendea lortzen ari da, berak nahi duen eszenan, bere letretan gaurkotasuneko gai gisa esperientzia pertsonalak era berean jorratuz, oraindik ere ahotsa jarri behar zaien errealitate gordin batzuk salatuz, euskaraz zein gaztelaniaz. Musika ekoizten ikasi zuen Midi eta Cubase teklatu batekin. Modu autodidaktikoan bere lehen oinarriak sortzen ditu, ondoren haien gainean abestu eta haien soinua ikertu ahal izateko.

ENGANDINA:
Unairen proiektu indibidual gisa sortu zen, zeinak bere lehen hiru kantuak sortu baitzituen 2022ko abuztuan modu independentean argitaratutako “Once created, once sold…” EParen bitartez; post-hardcore honek modu orekatuan konbinatzen ditu agresibitatea eta hunkigarritasuna, non gitarra melodikoak ahots urratu eta zuzenarekin uztartzen diren, horrela estutasun existentzialari eta korrontearen aurkako borroka etengabeari irtenbidea emanez, gero eta etsaiagoa eta zalantzazkoagoa den mundu honetan.

KITZIKA:
Kitzika 2020an sortutako talde Irundarra da, neska mutil gazteez sortua . Rock musikaren bueltan ibiltzen diren doinu mugituak zein lasaiak jorratzen dituen taldea, nahiz eta “Laboa is dead” eta “Gasteizko kaleak” abestiekin genero desberdinak jorratuz. 2021 urtean “Patos” eta “Vetusto” lehen abestiak kaleratu zituzten. Gero “Adreilua”, 3 abestiz osatutako EP-a eta “Gasteizko kaleak” singelak hartu zituzten 2022 urtea. Geroztik abestiak sortzen dabiltza.

MEHATXU:
Mehatxu Gasteizen errotutako metal taldea da, Aitzolek, Anderrek eta Pablok osatzen dutena. Hiruretako bik, elkarrekin bizitzen ari ginela-eta, egunerokotasunean konpartitzen genituen influentzia, kezka eta grinetan oinarrituta ernaltzen hasi zen proiektua. Denbora apur bat pasata lagun dugun hirugarren kideari ideia planteatu genionean hartu zuen taldeak egun daukan forma. Duela urte eta erdi ekin genion abestiak konposatzeari eta egite horretan dihardu taldeak. Baina ez da soilik lokalean sortzen den harremanetik ureztatzen, baizik eta egunean egun, konpartitzen dugun mundua ikusi eta ulertzeko moduak ere elikatzen du gure proiektua. Beraz gurea musika egiteko eta entzuteko modu horrek (beste gauza askotaz aparte) zeharkatzen duen familia edo lagun taldea dela esan genezake.