Hor doa Troparen bigarrena, musika-kazetari talde hautatu baten iruzkinekin laguntzen diogu, baina oraindik ez dugu oso argi zertan datzan ofizio hori (ezta gurea ere). Pablito del Heredia Times-ek dio ederra dagoela diskiloa. Koldok Agurain Tribunetik dio aurreko taldea gehiago gustatzen zitzaiola, baina barkatu egiten diogu. Al Rojo Vivotik ea disko kontzeptuala edo ukatzailea den galdetu digute. La Madura Herald tabloideko Kanpo Juniorrek dio ez dela ezer aldatzen aurrekoarekiko. Dailyko, Cuca Tabarrak oso gutxi landuta ikusten du atal erritmikoan, nahiz eta ahotsaren harmonia bere osotasunean nabarmentzen duen. Euskadi Buru Batzarrak gomendatzen du Batzoki guztietan jartzeko, marianito orduan. Francisco Merienda nazkagarria dela dio, besterik zehaztu gabe. Vigon bi pertsonari gustatzen zaie (edo hori diote).