Matahk bere bakarkako lehen albuma aurkeztuko du: “Sound”, reggaearen kulturan eta Sound Systemeko unibertsoan barrena egindako bidaia. La Panchita Recordsek argitaratu eta Chalart58rekin batera ekoitzitako lan honek 10 abesti biltzen ditu, generoaren mugak zabalduz testura eta soinu-ñabardura berriak aztertzen dituztenak.

Revolutionary Brothers erreferente argia da Euskal Herriko reggae eszena nazionalean, eta hogei urte baino gehiagoko ibilbidea du atzean. Estatu esoainiarreko kolektiborik aktiboenetako bat dira, bai agertokietan, bai ekitaldiak antolatzen. Garai honetan, beren proiektua estilo fresko eta moderno batekin sendotu dute, zuzeneko sendo bat aurkeztuz, Jamaikako lerro indartsu batekin, soul, hip hop, dancehall, dubstep eta jungle zertzeladekin.

Eira abeslari donostiarra da, eta bere ahots gozo eta indartsua naturaltasunez dabil reggaearen, soularen eta musika beltzaren sustraien artean. Musikenen kantu-jazzean trebatua, oinarri tekniko sendoa, benetako adierazkortasuna eta estilo propioa uztartzen ditu.

King Konsul reggaearen ahots ezagunenetakoa da Euskal Herrian. Reggae roots oinarri sendoarekin, jamaikar soinu klasikoenari leial, bere musikak egungo eragin eta erritmoak ere barneratzen ditu, beti dantza eta mezura bideratuak.