ANTOLATZEN DU: Aitzina Folk, Kontzertu solidarioa. Bildutako diruaren zati bat ataxia telangiektasia ikertzeko erabiliko da

Beste urte batez, Haize-arrosako kideak indartsu datoz gurera, oraingoan ere kartografia musikal berezi bat aurkeztuz, haize-arrosa, soinuaren itsaso zabalean ez galtzeko iparrorratza. Sinbolo horren bidez, abesti bakoitzaren nortasunean murgiltzen dira.

Eskarmentu handiko musikariek osatzen duten talde hau 2022. urtean sortu zen, Bizkaian. Emakumea omentzen dute eta emakumea da euren errepertorioko protagonista nagusia. Haien kantuak historian zehar – eta gaur egun – gaitzetsi, aldarrikatu eta abesten duten hainbat emakumeren ahotsekin durundatzen dira.

Folk-rocka, folk-popa, flamenkoa, folk elektronikoa, world-fusioa, musika mexikarra, a capella… dira plazaratzen dituzten estiloak.

Orain, 2025eko abenduan argitaratuko duten bigarren diskan ari dira buru-belarri.