KUBIK ARETOA

Aritz Navarrok (ahotsa), Jabo Numenek (gitarra), Landerrek (baxua, fl auta, alboka), Eölek (teklatua, koruak) eta Sistrek (bateria) osatzen dute Numen taldea.
“Erre” bost kantuk eta hogeita hamabost minutuko iraupenak osatzen dute, eta Numenek Black Metal tradizional, gordin eta melodikoaren lan bat eskaintzen digu, erdi bana, konposizio zabal batzuen bidez, non hirusta izoztuak eta ilunak diren nagusi album osoan zehar. Esandakoaz aparte, mid-temporako tartea ere badago, atmosfera garaileak eta malenkoniatsuak nabarmenduz, baita gitarra akustikoen uneak ere. Zerbait deigarria iruditu bazait, konposizio handiez gain, ekoizpena da, xehetasun guzti-guztiak entzuteko aukera ematen duena, baina gordintasuna inoiz galdu gabe. Bestalde, nolabaiteko giro epikoa aurkituko dugu “Euria infernuko satan” azken kantuaren azken herenean, instrumentazio folklorikoari eta pagano kutsuko doinuei esker.

Nashgul 2001ean A Coruñan sortutako Grindcore & Death Metal talde bat da, Terrorizer, Napalm Death edo Brutal truth bezalako old school taldeen eraginekin.
Hiru disko, dozena bat ep eta bi bilduma argitaratu dituzte. Bere “Oprobio” diskoa “Mondo Sonoro” aldizkariak 2023ko metal nazionaleko hamar album onenetakoen artean sartu zuen.
Aurten, “Santa cruz sessions” argitaratu dute, 25. urteurrena ospatzeko. Lan horretan, garai guztietako abestiak, bi kantu berri eta Kortatu eta Machetazoren bi bertsio bildu dituzte.
25 urtez etenik gabe jardunean egon ondoren, Europan zehar hainbat bira egin eta Obscene Extreme (Rep. Txekiarra) Maryland death Fest (AEB) edo Barroselas Metalfest (Pt), Nashgul Estatuko muturreko metalaren barruan nazioarteko proiekzio handiena duen taldeetako bat bihurtu da.